“എന്റെ ഉറ്റ സ്നേഹിതൻ”

വചനം

1 ശമുവേൽ 20:4

അപ്പോൾ യോനാഥാൻ ദാവീദിനോടു: നിന്റെ ആഗ്രഹം എന്തു? ഞാൻ അതു ചെയ്തുതരും എന്നു പറഞ്ഞു.

നിരീക്ഷണം

ദാവീദ് രാജാവിന് ഉണ്ടായിരുന്ന ഏറ്റവും നല്ല സൂഹൃത്ത് ശൗൽ രാജാവിന്റെ മകനായ യോനാഥാൻ ആയിരുന്നു. ഈ ഒരു ബന്ധം ഒരിക്കലും ഉണ്ടാവാൻ പാടില്ലാത്തതാണ് എങ്കിലും അതു സംഭവിച്ചു. കാരണം യോനാഥാന്റെ പിതാവായ ശൗൽ രാജാവ് ദാവീദിനോട് അസൂയയും എപ്പോഴും കൊല്ലുവാൻ ശ്രമിക്കുകയും ചെയ്തിരുന്നു. ദാവീദിന്റെ ഏക പ്രതീക്ഷ യോനാഥാൻ ആയിരുന്നു, യോനാഥാൻ അവനോട് പറഞ്ഞു, “നീ എനിക്കു വേണ്ടി എന്തു ചെയ്യണമെന്ന് നീ ആഗ്രഹിക്കുന്നുവോ അത് ഞാൻ ചെയ്യും!”

പ്രായേഗീകം

ദാവീദും യോനാഥാനും തമ്മിൽ വിടപറഞ്ഞ് പിരിയാൻ തുടങ്ങുമ്പോൾ അത് അവസാനത്തെ കൂടിക്കാഴ്ചയാണെന്നാണ് അവർ വിചാരിച്ചത്. ആകയാൽ യോനാഥാൻ കരഞ്ഞതിനേക്കാൾ കൂടുതൽ കഠിനമായി ദാവീദ് കരഞ്ഞു എന്ന് വേദപുസ്തകം നമ്മെ പഠിപ്പിക്കുന്നു. നാം ദാവീദിനോട് ചോദിച്ചാൻ അവൻ ഇപ്രകാരം പറയുമായിരിക്കും “യോനാഥാനാണ് എന്റെ ഏറ്റവും നല്ല സുഹൃത്ത്!!” എപ്പോഴും നിങ്ങളുടെ പിന്നിൽ ഒരു സുഹൃത്ത് ഉണ്ടായിരിക്കുന്നതുപോലെ മറ്റൊന്നില്ല. ഇന്ന് ആരെങ്കിലും എനിക്ക് ഏറ്റവും നല്ല ഒരു സുഹൃത്തില്ല, അല്ലെങ്കിൽ എന്നെ സ്നേഹിക്കുന്ന ഒരു നല്ല കൂട്ടു സ്നേഹികൻ ഇല്ല എന്ന് ചിന്തിക്കുന്നുണ്ടെങ്കിൽ, ഒരു നല്ല സുഹൃത്ത് അതായത് നമ്മോട് എപ്പോഴും ഏതു സമയത്തും കൂടെ നിന്ന് സഹായിക്കുന്ന ഒരു സുഹൃത്തിനെ പരിജയപ്പെടുത്തി തരാം, അതാണ് നമ്മുടെ കർത്താവായ യേശുക്രിസ്തു. യേശു പറയുകയാണ് നിങ്ങളുടെ എന്ത് ആവശ്യവും എന്നേട് പറയുക ഞാൻ അത് നിവർത്തിച്ചു തരും എന്ന്. അതാണ് നമ്മുടെ അറ്റവും നല്ല സുഹൃത്തിന്റെ നല്ല സ്വഭാവം. ആകയാൽ ആ സുഹൃത്തിൽ നമുക്ക് ആശ്രയിക്കാം യേശുക്രിസ്തു വിശ്വസ്ഥ കൂട്ടുകാരൻ!

പ്രാർത്ഥന

പ്രീയ യേശുവേ,

അങ്ങ് എന്റെ ഏറ്റവും അടുത്ത കൂട്ടുകാരനായി കൂടെയിരുന്ന് ഇതുവരെ നടത്തിയതിന് നന്ദി. അങ്ങുമായുള്ള എന്റെ സുഹൃത്ത് ബന്ധം അവസാനം വരെ കാത്തുസൂക്ഷിക്കുവാൻ എനിക്ക് കൃപ നൽകുമാറാകേണമേ. ആമേൻ