“കണ്ണീരിൽ തുടങ്ങി സന്തോഷത്തിൽ അവസാനിക്കുന്നു”

വചനം

സങ്കീർത്തനം  126  :   5

കണ്ണുനീരോടെ വിതെക്കുന്നവർ ആർപ്പോടെ കൊയ്യും.

നിരീക്ഷണം

സ്വന്തം അനുഭവത്തിൽ നിന്നാണ് പരിശുദ്ധാത്മാവിൽ നിറഞ്ഞ് സങ്കീർത്തനക്കാരൻ ഈ വചനം എഴുതിയിരിക്കുന്നത്. തന്റെ ജീവിതത്തിൽ തകർച്ച അനുഭവിക്കുമ്പോഴെല്ലാം അത് കർത്താവിന്റെ കൈയ്യിൽ ഏൽപ്പിച്ചാൽ ആ വിഷയത്തിൽ അത്യധികമായ സന്തോഷത്തോടെ കൊയ്യുമെന്ന് വർഷങ്ങളായി അദ്ദേഹം മനസ്സിലാക്കിയിരുന്നു. ഈ വചനത്തിൽ അദ്ദേഹം പറയുകയാണ് കണ്ണീരോടെ തുടങ്ങുക സന്തോഷത്തോടെ അവസാനിപ്പിക്കാം.

പ്രായോഗീകം

വിത എന്നത് നടുന്നതുമായി ബന്ധപ്പെട്ടിരിക്കുന്നു. നാം ഒരു വിത്ത് നടുമ്പോൾ അതിന് ഒരു വിളവെടുപ്പ് പ്രതീക്ഷിക്കും. ചിലർ അവരുടെ ദുഃഖമുഖരിതമായ സാഹചര്യങ്ങളെ അതിൽ തന്നെ പാഴാക്കുന്നു, കാരണം ആ സാഹചര്യങ്ങളിൽ അവർ അവരെക്കുറിച്ച് തന്നെ സംസാരിക്കും. അവർ ഇപ്രകാരം പറയും എനിക്ക് വേദനയുണ്ട്, എനിക്കു മാത്രം ഇങ്ങനെ സംഭവിക്കുന്നു എന്ന്പറഞ്ഞ് “എനിക്ക്” പ്രധാന്യം കൊടുക്കുന്നു. എന്നാൽ ആ സമയത്ത് കണ്ണുനീരിൽ വിതയ്ക്കുന്നവന് ഒരു ലക്ഷ്യമുണ്ടാകണം, അതിൽ പ്രാർത്ഥനകൂടെ ഉൾപ്പെടണം. കണ്ണുനീർ കൊണ്ട് പ്രാർത്ഥയനയിലൂടെ ദൈവത്തിന്റെ മണ്ണിൽ വിതയ്ക്കപ്പെടുമ്പോൾ ആ വേദന കണ്ണുനീർ പൊതിഞ്ഞവിത്തുകളായി മാറുന്നു, അത് കാലക്രമേണ മുളച്ച് ഒരു വിളവെടുപ്പ് ഉണ്ടാക്കുന്നു. തിരുവെഴുത്ത് അനുസരിച്ച് വിളവെടുപ്പ് വിപരീതമാണ്. ദുഃഖത്തോടെ കണ്ണൂനീരിൽ പൊതിഞ്ഞ് വിതച്ച വിത്തുകൾ സന്തോഷകരമായ ഗാനങ്ങളോടെ മഹത്തായ വിളവെടുപ്പ് നടത്തുവാൻ സഹായിക്കുന്നു. അതിനാൽ ദൈവത്തിന്റെ സഹായത്തോടെ, നിങ്ങളുടെ ദുഃഖം വിത്തുകളാക്കി മാറ്റുക. കണ്ണുനീരിൽ വിതയ്ക്കുക സന്തോഷത്തിൽ കൊയ്യാം.

പ്രാർത്ഥന

പ്രീയ യേശുവേ,

കണ്ണുനീരിൽ വിതച്ചത് ആർപ്പോടെ കൊയ്യുവാൻ അങ്ങ് എന്നെ സഹായിക്കുമാറാകേണമേ. ആമേൻ