“ചിലപ്പോഴെങ്കിലും ഒറ്റയ്ക്ക് ഇരിക്കുക”

വചനം

ലൂക്കോസ്  4  :   42

നേരം വെളുത്തപ്പോൾ അവൻ പുറപ്പെട്ടു ഒരു നിർജ്ജനസ്ഥലത്തേക്കു പോയി. പുരുഷാരം അവനെ തിരഞ്ഞു അവന്റെ അരികത്തു വന്നു തങ്ങളെ വിട്ടു പോകാതിരിപ്പാൻ അവനെ തടുത്തു.

നിരീക്ഷണം

ഈ സംഭവം നടക്കുന്നതിന് തലേദിവസം, യേശു പത്രോസിന്റെ അമ്മായിയമ്മയെ സുഖപ്പെടുത്തുകയും അതിനുശേഷം വൈകുന്നേരും അനേക രോഗികളെ സുഖപ്പെടുത്തുകയും ഭൂതങ്ങളെ പുറത്താക്കുകയും ചെയ്തിരുന്നു. തിരക്കേറിയ ഒരു രാവും പകലും കഴിഞ്ഞ്, യേശു അതിരാവിലെ എഴുന്നേറ്റ് ഒരു ഏകാന്ത സ്ഥലത്തേക്ക് പോയി.

പ്രായോഗീകം

യേശു രാവിലെ ഒറ്റയ്ക്ക് പോയി എന്ന് നാം വായിക്കുന്നു. ചിലപ്പോൾ നാം ഒറ്റയ്ക്കായിരിക്കുന്നത് നല്ലതാണ്. നമുക്ക് ഏതുതരത്തിലെ ശക്തിയോ, വ്യക്തിത്വമോ ഉണ്ടെങ്കിലും, മറ്റുള്ളവരുടെ ഇടയിൽ നിന്നും ഒരു ഇടവേള എടുക്കേണ്ടത് ആവശ്യമാണ്. ഈ ഇടവേളയെ ഇന്ധനം നിറയ്ക്കൽ അല്ലെങ്കിൽ ഒരു ചെറിയ വിശ്രമം എന്ന് വിളിക്കാം, പക്ഷേ സത്യം പറഞ്ഞാൽ, നമുക്ക് ഒരു ഒഴിഞ്ഞ ടാങ്കിൽ നിന്ന് മറ്റുള്ളവർക്ക് ഒഴുക്കിക്കെടുക്കുവാൻ കഴിയില്ല എന്നതാണ് സത്യം. യേശു പലപ്പോഴും ചെയ്തതുപോലെ, തന്റെ സ്വർഗ്ഗസ്ഥനായ പിതാവിനോട് പ്രാർത്ഥിക്കുവാനും സംസാരിക്കുവാനും തനിച്ച് ഒരു സ്ഥലം കണ്ടെത്തുക പതിവായിരുന്നു. രാജാക്കന്മാരുടെ രാജാവായ യേശുവിന് ഒറ്റയ്ക്ക് സമയം ആവശ്യമുണ്ടായിരുന്നുവെങ്കിൽ, തീർച്ചയായും മനുഷ്യരായ നമുക്കും ഊർജ്ജസ്വലത വർദ്ധിപ്പിക്കേണ്ടത് ആവശ്യമാണ്. അത് നാം ഒറ്റയ്ക്ക് നമ്മുടെ സ്വർഗ്ഗസ്ഥനായ പിതാവിനോടൊപ്പമുള്ള സമയത്താണ് സംഭവിക്കുക, ആകയാൽ ദൈവവുമായി ഒറ്റയ്ക്ക് സമയം ചിലവഴിക്കുവാൻ ഒരു ഏകാന്ത സ്ഥലം കണ്ടുപിടിക്കുക.

പ്രാർത്ഥന

പ്രീയ യേശുവേ,

ഒറ്റയ്ക്ക് അങ്ങുമായി ആയിരിക്കുന്ന സമയം ആണ് എന്റെ ജീവിത്തിൽ ഏറ്റവും ശ്രേഷ്ഠം ആകയാൽ അപ്രകാരം തുടരുവാൻ എനിക്ക് കൃപ നൽകുമാറാകേണമേ. ആമേൻ