“ചിലപ്പോൾ സ്വയം ചെയ്യേണ്ടി വരും”

വചനം

യേഹേസ്ക്കേൽ  34  :   15

ഞാൻ തന്നേ എന്റെ ആടുകളെ മേയിക്കയും കിടത്തുകയും ചെയ്യും എന്നു യഹോവയായ കർത്താവിന്റെ അരുളപ്പാടു.

നിരീക്ഷണം

യേഹേസ്ക്കേൽ പ്രവാചകന്റെ കാലത്ത് അനവധി കള്ളപ്രവാചകന്മാർ എഴുന്നേറ്റിരുന്നു. ദൈവം അങ്ങനെയുള്ളവരെ കണ്ട് മടുത്തു, ആകയാൽ ദൈവം ഇപ്രകാരം അരുളിചെയ്തു, ഞാൻ തന്നെ എന്റെ ജനത്തെ പരിപാലിക്കുകയും അവർക്ക് ഒരു വിശ്രാമസ്ഥലം ഒരുക്കുകയും ചെയ്യും.

പ്രായോഗീകം

നാം ചെയ്യുന്ന കാര്യങ്ങളിൽ ഏറ്റവും മികച്ചവരാണെങ്കിലും നമ്മുടെ ഉത്തരവാദിത്തങ്ങൾ വളരെ വലുതായതിനാൽ നാം ചെയ്യുന്ന കാര്യങ്ങൾ ചെയ്യുവാൻ മറ്റുള്ളവരെ ഏൽപ്പിക്കാറുണ്ടല്ലോ. എന്നാൽ നാം ഏൽപ്പിക്കുന്നവർ നാം ചെയ്യുന്ന അത്രയും നന്നായി ചെയ്യുവാൻ കഴിയാത്തവരായിരിക്കാം. പക്ഷേ അവരോട് പിന്നെയും അത് ചെയ്യുവാൻ പ്രോത്സാഹിപ്പേക്കേണ്ടിവരും. ഈ വചനത്തിൽ ദൈവം കള്ളപ്രവാചകന്മരെയും വൃത്തികെട്ട ആത്മീയ നേതാക്കന്മാരെയും കൊണ്ട് മടുത്തു. ദൈവം തന്നെ പറയുന്നു ഞാൻ തന്നെ എന്റെ ജനത്തെ നടത്തുകയും അവർക്ക് വിശ്രാമസ്ഥലം ഒരുക്കുകയും ചെയ്യും എന്ന്. ദൈവത്തിന് തന്റെ ജനത്തെ നടത്തുവാൻ വിശ്വസ്തരായ പ്രവാചകന്മാരെ കണ്ടെത്തുവാൻ കഴിയാത്തതിനാൽ ആണ് അങ്ങനെ പറയുവാൻ ഇടയായത്. എന്നാൽ തന്റെ ജനത്തെ നടത്തുവാൻ ദൈവം സ്വയം ഉത്തരവാദിത്വം ഏറ്റെടുക്കുന്നു.

പ്രാർത്ഥന

പ്രീയ യേശുവേ,

അങ്ങ് തന്നെ എന്റെ ഇടയനായി എന്നെ വഴിനടത്തുന്നതിനായി നന്ദി. അങ്ങ് എന്നെ നടത്തുന്നതുപോലെ വേറെ ആർക്കും നടത്തുവാൻ കഴിയുകയില്ല. അങ്ങയുടെ സാന്നിധ്യം തുടർന്നും ഏന്നോട് കൂടെ ഇരിക്കുമാറാകേണമേ. ആമേൻ