“ഞാനും ഒരു വിശ്വാസിയാണ്”

വചനം

എസ്രാ  6  :   12

ഇതു മാറ്റുവാനും യെരൂശലേമിലെ ഈ ദൈവാലയം നശിപ്പിപ്പാനും തുനിയുന്ന ഏതു രാജാവിന്നു ജനത്തിന്നും തന്റെ നാമം അവിടെ വസിക്കുമാറാക്കിയ ദൈവം നിർമ്മൂലനാശം വരുത്തും. ദാർയ്യാവേശായ ഞാൻ കല്പന കൊടുക്കുന്നു; ഇതു ജാഗ്രതയോടെ നിവർത്തിക്കേണ്ടതാകുന്നു.

നിരീക്ഷണം

പേർഷ്യയിലെയും ബാബിലോണിന്റെയും രാജാവായ ദാർയ്യാവേശിന്റെ വാക്കുകളാണിവ. പുരോഹിതനായ എസ്രായെ എതിർക്കുന്ന ഏതൊരാൾക്കും അവൻ ഒരു കല്പന പുറപ്പെടുവിച്ചു. ഈ പ്രദേശത്ത് ജീവിക്കുന്ന മനുഷ്യരെയും യെരുശലേം പുനർനിർമ്മിക്കുന്ന യഹൂദാ തൊഴിലാളികളെയും എതിർത്താൽ അത് രാജാവിനോടുള്ള എതിർപ്പായി കണക്കാക്കും എന്ന് പറഞ്ഞു.

പ്രായോഗീകം

ഈ സംഭവത്തിലെ അതിശയകരമായ കാര്യം, ദാര്യാവേശ് രാജാവ് പേർഷ്യയിൽ നിന്നുള്ള ആളായിരുന്നു എന്നതാണ്, പേർഷ്യ, ആധുനീക ഇറാനാണ്. ഇപ്പോഴത്തെ ഇറാനിയൻ പ്രസിഡന്റ് സർവ്വശക്തനായ ദൈവത്തിൽ വിശ്വസിക്കുന്നു എന്ന് പറഞ്ഞാൽ എന്തു സംഭവിക്കും എന്ന് സങ്കൽപ്പിക്കാമോ? സിംഹക്കുഴിയിൽ ദാനിയേലിന്റെ ജീവൻ ദൈവം സംരക്ഷിച്ചത് ദാർയ്യാവേശ് രാജാവ് കണ്ടിരുന്നു. ദാനിയേൽ സിംഹക്കൂട്ടിൽ നിന്ന് പുറത്തുവന്നപ്പോൾ ദാനിയേലിന്റെ ദൈവം ഏക സത്യദൈവമെന്ന് ദാർയ്യാവേശ് പ്രഖ്യാപിച്ചു. ബാബിലോണിലെ എഴുപത് വർഷത്തെ യിസ്രായേലിന്റെ അടിമത്വത്തിൽ ദാനിയേലിലൂടെ നടന്ന നിരവധി അത്ഭുതങ്ങളെക്കുറിച്ച് ദാർയ്യാവേശ് കേട്ടിരുന്നിരിക്കണം. അങ്ങനെ അദ്ദേഹം തീരുമാനിച്ചു ഞാനും ഈ ദൈവത്തിൽ വിശ്വസിക്കുന്ന ഒരു വിശ്വാസിയാണ് എന്ന്.

പ്രാർത്ഥന

പ്രീയ യേശുവേ,

അങ്ങ് ഏക സത്യ ദൈവമെന്ന് വിശ്വസിക്കുവാൻ എനിക്കു തന്ന ഭാഗ്യത്തിനായ് നന്ദി. തുർന്നും അങ്ങയിൽ മാത്രം ആശ്രയിക്കുവാൻ എനിക്ക് കൃപ നൽകുമാറാകേണമേ. ആമേൻ