“അടുക്കളയിലെ സേവനം”

വചനം

യേഹേസ്ക്കേൽ  46  :   24

അവൻ എന്നോടു: ഇവ ആലയത്തിന്റെ ശുശ്രൂഷകന്മാർ ജനത്തിന്റെ ഹനനയാഗം പാകം ചെയ്യുന്ന വെപ്പുപുരയാകുന്നു എന്നു അരുളിച്ചെയ്തു.

നിരീക്ഷണം

യെരുശലേമിന്റെ പതനത്തിനുശേഷം, യേഹേസ്കേലിനെ ഒരു ദർശനത്തിൽ സ്വന്തം നാട്ടിലേയ്ക്ക് തിരികെ കൊണ്ടുപോയി. തന്റെ ജനതയുടെ ഭാവി പുനഃസ്ഥാപനത്തെക്കുറിച്ച് കർത്താവ് അവന് വെളിപ്പെടുത്തി. ഈ വാക്യത്തിൽ, പുനഃസ്ഥാപിക്കപ്പെട്ട ആലയവും ആലയത്തിന്റെ അടുക്കളകളിൽ ലേവ്യർ ഹനനയാഗം പാകം ചെയ്യുന്ന വെപ്പുപുരയുടെ ഒരു ഭാഗവും യഹോവ അവന് കാണിച്ചുകൊടുത്തു.

പ്രായോഗീകം

ഒരിക്കൽ ദാവീദ് രാജാവ് സങ്കീർത്തനം, 84:10 ഇപ്രകാരം പറഞ്ഞു “ദുഷ്ടന്മാരുടെ കൂടാരങ്ങളിൽ പാർക്കുന്നതിനെക്കാൾ എന്റെ ദൈവത്തിന്റെ ആലയത്തിൽ വാതിൽ കാവൽക്കാരനായിരിക്കുന്നതു എനിക്കു ഏറെ ഇഷ്ടം.” കർത്താവിനെ സേവിക്കുവാൻ ആഗ്രഹിച്ച് ചെറുപ്പക്കാർ ആദ്യം സന്തോഷത്തോടെ മുന്നോട്ട് വരുകയും അവർ ആഗ്രഹിക്കുന്നത് ലഭിക്കാതെ വരുമ്പോൾ തിരികെ പോകുകയും ചെയ്യുന്നത് നമുക്ക് കാണുവാൻ കഴിയും. എന്നാൽ യഥാർത്ഥത്തിൽ ഒരു വ്യക്തി കർത്താവിനെ ആത്മാർത്ഥമായി സ്നേഹിക്കുന്നുവെങ്കിൽ ദൈവാലയത്തിലെ ഏത് സേവനവും ചെയ്യുവാൻ തയ്യാറാകും. ഉന്നത നിലവാരത്തിൽ എത്തിയ ശിശ്രൂഷകർ ചെറുപ്പത്തിൽ കർത്താവിന് വേണ്ടി എന്തും ചെയ്യുവാൻ തയ്യാറാകുന്നവരായിരിക്കും. അവർ വിശ്വാസികളെ ആലയത്തിലേയ്ക്ക് കൊണ്ടുരുവാനുള്ള വണ്ടി ഓടിക്കുവാനോ, ആലയത്തിലെ ശുചിമുറി വൃത്തിയാക്കുവാനോ വരുന്നവർക്ക് ആഹാരം പാകം ചെയ്യുന്നതിൽ സഹായിക്കുവാനോ ആയിരിക്കും ആദ്യ പടി.  അങ്ങനെ ചെയ്യുവാൻ തയ്യാറാകുന്നവർ അവസാനം ഉന്നത പ്രാസംഗീകർ ആയിതീരുകയോ കർത്താവിന് വേണ്ടി ഉന്നതങ്ങളിൽ പ്രവർത്തിക്കുന്നവരോ ആയിതീരും. ദൈവത്തെ പ്രസാധിപ്പിക്കുന്ന ഏതു പ്രവർത്തിയും നമുക്ക് ചെയ്യുന്നത് അനുഗ്രഹമായിരിക്കും, പ്രത്യേകിച്ച് അടുക്കളിയിൽ പ്രവർത്തിക്കുന്നതുപോലും!!!

പ്രാർത്ഥന

പ്രീയ യേശുവേ,

അങ്ങ് ഏൽപ്പിക്കുന്ന എന്തു സേവനവും ചെയ്യുവാനുള്ള കൃപ എനിക്ക് നൽകി എന്നെ സഹായിക്കുമാറാകേണമേ. ആമേൻ