“അമ്പരപ്പിക്കുന്ന സത്യം”

വചനം

സങ്കീർത്തനം  147  :   4

അവൻ നക്ഷത്രങ്ങളുടെ എണ്ണം നോക്കുന്നു; അവെക്കു ഒക്കെയും പേർ വിളിക്കുന്നു.

നിരീക്ഷണം

സർവ്വശക്തന്റെ മഹത്വം വിവരിക്കുവാൻ ശ്രമിക്കുമ്പോൾ സങ്കീർത്തനക്കാരൻ അവനെക്കുറിച്ച് പറയുന്നത്, “എത്ര നക്ഷത്രങ്ങൾ ആകാശത്ത് ഉണ്ടാകണമെന്ന് തീരുമാനിച്ചത് ദൈവമാണ്, ദൈവം നക്ഷത്രങ്ങളെ അവയുടെ ശരിയായ പേരിൽ വിളിക്കുന്നു.” തീർച്ചയായും അവയ്ക്ക് പേരിട്ടത് ദൈവമാണ്!!

പ്രായോഗീകം

നക്ഷത്രങ്ങളെ സൃഷ്ടിച്ച് അവയ്ക്ക് ഒരു പേര് നൽകിയ ദൈവം തന്നെയാണ് നിങ്ങളെയും എന്നെയും ഭൂമിയലെ പൊടിയിൽ നിന്ന് സൃഷ്ടിച്ചത്. ജ്യോതിശാസ്ത്രജ്ഞർ പറയുന്നത്, നിരീക്ഷിക്കാവുന്ന പ്രപഞ്ചത്തിൽ ഏകദേശം 10 ബില്യൺ ഗാലക്സികളിലും കൂടെ ഏകദേശം 100 ബില്യൺ നക്ഷത്രങ്ങളുണ്ടെന്ന് വിശ്വസിക്കപ്പെടുന്നു, അതായത് നമ്മൾ നിരീക്ഷിക്കാവുന്ന പ്രപഞ്ചത്തിൽ ഒരു ബില്യൺ, ത്രില്യൺ നക്ഷത്രങ്ങളെ കാണാം!! നമ്മെപ്പോലെ സാധാരണ മനുഷ്യർക്ക് അത് ഗ്രഹിക്കുവാൻ കഴിയാത്തതാണ്. അങ്ങനെയെങ്കിൽ നമ്മുടെ ദൈവത്തിന്റെ മാഹത്മ്യം എത്രവലുതാണ് എന്ന് നമുക്ക് ഊഹിക്കാവുന്നതേയുള്ളൂ. നമ്മുടെ ദൈവം “അമ്പരപ്പിക്കുന്ന ഒരു സത്യമാണ്”.  ഇത്രയും മഹാനായ ദൈവം ചെറി മനുഷ്യരായ നാം വിളിച്ചപേക്ഷിക്കുമ്പോൾ നമുക്ക് ഉത്തരമരുളുന്നു എന്ന് യിരമ്യാ 33:3-ൽ പറയുന്നു. ശരിയാണ് നമ്മുടെ പ്രാർത്ഥനകൾക്ക് ദൈവം ഉത്തരം നൽകുന്നു. അത് നമ്മുടെ ചിന്തയ്ക്ക് അതീതവും നമുക്ക് ഗ്രഹിക്കുവാൻ പ്രയാസവുമാണ്. എന്നാൽ ആ ദൈവത്തിന് നമ്മെ സ്നേഹിക്കുവാനും നമ്മോട് സംസാരിക്കുവാനും സമയം ഉണ്ടെന്നും നാം മനസ്സിലാക്കണം. ഒന്ന്, നിന്ന് ചിന്തിച്ചു നോക്കൂ, കോടികണക്കിന് നക്ഷത്രങ്ങളെ സൃഷ്ടിച്ചവനും, അവയ്ക്ക് പേരിട്ടവനും, അവയെ എല്ലാം പേർ ചൊല്ലി വിളിക്കുന്നവനും ആയ ആ ദൈവം “നമ്മെയും സൃഷ്ടിച്ചു എന്നതും നമ്മുടെ പേർ അറിയുന്നു എന്നതും എത്ര അമ്പരപ്പിക്കുന്ന സത്യമാണ്”!!!!

പ്രാർത്ഥന

പ്രീയ യേശുവേ,

എന്നെ സൃഷ്ടിക്കുകയും എന്റെ പേർ ചൊല്ലി വിളിക്കുകയും ചെയ്യുന്ന ദൈവത്തെ, ദൈവം എന്ന് ഓർത്ത് ആരാധിക്കുവാൻ എനിക്ക് കൃപ നൽകുമാറാകേണമേ. ആമേൻ