“ഈ ലോകം ഉത്തരങ്ങൾക്കായി യാചിക്കുന്നു”

വചനം

ദാനിയേൽ  2  :   3

രാജാവു അവരോടു: ഞാൻ ഒരു സ്വപ്നംകണ്ടു; സ്വപ്നം ഓർക്കാഞ്ഞിട്ടു എന്റെ മനസ്സു വ്യാകുലപ്പെട്ടിരിക്കുന്നു എന്നു കല്പിച്ചു.

നിരീക്ഷണം

നെബൂഖദ്നേസർ രാജാവ് ഒരു സ്വപ്നം കണ്ടു, അതിനാൽ അദ്ദേഹം വളരെ അസ്വസ്ഥനായിരുന്നു. അതിന്റെ അർത്ഥമെന്താണെന്ന് അദ്ദേഹത്തിന് അറിയില്ലായിരുന്നു, അതിനാൽ അദ്ദേഹം തന്റെ ജ്ഞാനികളായ ആളുകളെ വിളിച്ചുകൂട്ടി, അവരിൽ ജ്യോത്സ്യന്മാരും, പിശാചിനാൽ നയിക്കപ്പെട്ടവരും ഉൾപ്പെട്ടിരുന്നു. എന്നാൽ അവർക്ക് ആർക്കും രാജാവിനെ സഹായിക്കുവാൻ കഴിഞ്ഞിരുന്നില്ല. ഒടുവിൽ ദാനിയേൽ പ്രവാചകൻ അദ്ദേഹത്തിന് സ്വപ്നത്തിന്റെ അർത്ഥം അറിയിച്ചുകൊടുത്തു.

പ്രായോഗീകം

സത്യം എന്തെന്നാൽ, ചരിത്രപരമായി ഈ പുരാതന സംഭവം ദൈവവചനത്തിൽ വ്യക്തമാക്കിയിട്ടുണ്ട്, കാരണം നിങ്ങളെയും എന്നെയും പോലുള്ള ചെറിയ ആളുകൾ ദൈനംദിന കാര്യങ്ങളിൽ എന്നും അസ്വസ്ഥരാണ്. ലോകത്തിലുള്ളവർ അവരുടെ അസ്വസ്തകൾക്കുള്ള ഉത്തരങ്ങൾക്കായ് യാചിക്കുന്നു. യേശുവിന്റെ അനുയായികൾ എന്ന നിലയിൽ ക്രിസ്തു വിശ്വാസികൾ നേരിടുന്ന പ്രതിസന്ധികൾക്കുള്ള ഉത്തരങ്ങൾക്കായി ദൈവസന്നിധിയിൽ ദാനിയേലിനെപ്പോലെ കാത്തിരിക്കുവാൻ സന്നദ്ധരായിരിക്കണം. ഇത് എളുപ്പമല്ല, സമയം നമ്മുടെ പക്ഷത്തല്ല ആകയാൽ എല്ലാവർക്കും സ്നേഹത്തിന് ത്യാഗം ആവശ്യമാണ്. ബാബിലോണിലെ ഒരു അടിമയായിരുന്ന ദാനിയേൽ, ആവശ്യക്കാരായ ആളുകളെ സഹായിക്കുവാൻ കർത്താവിന്റെ പ്രവർത്തിക്കായി കാത്തിരിക്കുവാൻ സന്നദ്ധനായതിനാൽ, ദൈവം അവനെ തന്റെ ജീവകാലത്ത് നാല് വ്യത്യസ്ത വിജാതീയ രാജാക്കന്മാർക്ക് ദൈവത്തിൽ നിന്നുള്ള അരുളപ്പാട് അറിയിക്കുന്നവനാക്കി ഉയർത്തി. നാം ഓരോരുത്തരും ദൈവത്തിനായ കാത്തിരിക്കുകയാണെങ്കിൽ ദൈവം അതിനുള്ളമറുപടി തരുക തന്നെ ചെയ്യും. എന്നാൽ ഓർക്കുക ലോകം ഉത്തരങ്ങൾക്കായി കാത്തിരിക്കുന്നു, അവരോട് അവരുടെ പ്രശ്നങ്ങൾക്ക് പരിഹാരം തരുവാൻ യേശുവിന് കഴിയും എന്ന മറുപടി കൊടുക്കുവാൻ നാം ഒരുങ്ങിയിരിക്കണം.

പ്രാർത്ഥന

പ്രീയ യേശുവേ,

അങ്ങയുടെ സന്നിധിയിൽ കാത്തിരുന്ന എന്റെ പ്രശ്നങ്ങൾക്ക് മറുപടി പ്രാപിക്കുന്നതുപോലെ മറ്റുള്ളവരുടെ പ്രശ്നങ്ങൾക്ക് ഉത്തരും ക്രിസ്തുവാണെന്ന് പറഞ്ഞുകൊടുക്കുവാൻ എനിക്ക് കൃപ നൽകുമാറാകേണമേ. ആമേൻ