“കാഴ്ചപ്പാട് മാറണം”

വചനം

ലൂക്കോസ്  13  :   30

മുമ്പന്മാരായ്തീരുന്ന പിമ്പന്മാരുണ്ടു, പിമ്പന്മാരായ്തീരുന്ന മുമ്പന്മാരും ഉണ്ടു.

നിരീക്ഷണം

യേശു പലപ്പോഴും മരണാനന്തര ജീവിതത്തെക്കുറിച്ച് തന്നെ അനുഗമിച്ചവരോട് സംസാരിച്ചിരുന്നു. ഓരോ തവണയും യേശു സംസാരിച്ചപ്പോൾ അതിനെക്കുറിച്ചുള്ള നമ്മുടെ വീക്ഷമവും യേശുവിന്റെ വീക്ഷണവും തമ്മിലുള്ള ബന്ധമായിരുന്നു വ്യക്തമാക്കിക്കൊണ്ടിരുന്നത് . ഇവിടെ ലൂക്കോസ് 13:30 ൽ യേശു പറഞ്ഞു, നിങ്ങൾ ജയിക്കും എന്ന് നിങ്ങൾ കരുതുന്ന ആളുകൾ അവസാനം തോൽക്കും, ഇപ്പോൾ പരാജിതരാണെന്ന് നിങ്ങൾ വിശ്വസിക്കുന്നവർ യഥാർത്ഥത്തിൽ വിജയിക്കും. അതാണ് ദൈവത്തിന്റെ യഥാർത്ഥ കാഴ്ചപ്പാട്.

പ്രായോഗീകം

ജീവിതം എന്നത് നമ്മുടെ കാഴ്ചപ്പാടിനെ കൂടി പരിഗണിച്ചാണ് ഇരിക്കുന്നത്. ലോകത്തിന് മുമ്പിൽ നിങ്ങൾ എത്ര ആകർഷകനാണെങ്കിലും നിങ്ങൾ ആകർഷകനല്ലെന്ന് ദൈവം കരുതുന്നുവെങ്കിൽ മറ്റുള്ളവർ നിങ്ങളോട് എന്തുപറഞ്ഞാലും അതിന് പ്രശക്തിയില്ല. നിങ്ങളെക്കുറിച്ചുള്ള നിങ്ങളുടെ കാഴ്ചപ്പാടും പ്രധാനമാണ്. എല്ലാവരും സഹായം ചോദിക്കുന്ന ഒരു ശതകോടീശ്വരനായിരിക്കാം നിങ്ങൾ, പക്ഷേ നിങ്ങൾ ദരിദ്രനാണ് എന്ന് നിങ്ങൾക്ക് തോന്നുന്നുവെങ്കിൽ ആർക്കും നിങ്ങളോട് വ്യത്യസ്തമായി ഒന്നും പറയുവാൻ കഴിയില്ല. നിങ്ങളുടെ എപ്പോഴും ഉള്ള ചിന്ത പണം ശേഖരിക്കുക എന്നതായിരിക്കും, എന്തുകൊണ്ട്? അതാണ് നിങ്ങളുടെ കാഴ്ചപ്പാട്. എന്നാൽ നമ്മളല്ലാതെ മറ്റൊരാൾക്ക് നമ്മുടെ ജീവിതത്തോട് സംസാരിക്കുവാൻ അനുവദിക്കേണ്ട ഒരു മേഖലയുണ്ട്, അതാണ് നിത്യതയെക്കുറിച്ചുള്ളത്. മരണശേഷമുള്ള ജീവിതത്തിെക്കുറിച്ച് നമുക്ക് നമ്മുടെ സ്വന്തം അഭിപ്രായമോ കാഴ്ചപ്പാടോ ഉണ്ടായിരിക്കാം, പക്ഷേ അതിന്റെ അവസാനം ഒരേ ഒരു കാഴ്ചപ്പാടിന് മാത്രമേ പ്രാധാന്യമുള്ളൂ. അത് ദൈവത്തിന്റെ കാഴ്ചപ്പാട് ആണ്. അത് വളരെ വ്യത്യസ്തമായ ഒരു വീക്ഷണകോണിൽ നിന്ന് നാം കാണേണ്ടതാണ്. കർത്താവിന്റെ സഹായത്തോടെ നിത്യതയിൽ നാം മുന്നിലായിരിക്കും എന്ന് ചിന്തിച്ചവർ സ്വർഗ്ഗത്തിൽ ദൈവം അവസാനമായിരിക്കും പരിഗണിക്കപ്പെടുന്നത്. ഇവിടെ അവസാനം പരിഗണിക്കുമെന്ന് നാം കരുതിയവരായിരിക്കും ദൈവം നിത്യതയിൽ ആദ്യം പരിഗണിക്കുന്നത്. നാം ഇന്ന് തീരുമാനിക്കണം എന്റെ യഥാർത്ഥ അവസ്ഥ എന്താണ് എന്ന്, നമ്മുടെ കാഴ്ചപ്പാട് ദൈവത്തിന്റെ കാഴ്ചപ്പാടുപോല ആയിരിക്കുവാൻ നമുക്ക് ശ്രമിക്കാം!!

പ്രാർത്ഥന

പ്രീയ യേശുവേ,

ഈ ലോകത്ത് ഞാൻ പിന്നിലായിരുന്നാലും അങ്ങയുടെ അടുത്തെത്തുമ്പോൾ മുന്നിലായിരിക്കുവാൻ എനിക്ക് കൃപ നൽകുമാറാകേണമേ. ആമേൻ