“സൂചനകൾ കർത്താവിങ്കലേയ്ക്ക് നയിക്കുന്നു”

വചനം

യിരമ്യാവ്  40  :   2

എന്നാൽ അകമ്പടിനായകൻ യിരെമ്യാവെ വരുത്തി അവനോടു പറഞ്ഞതു: നിന്റെ ദൈവമായ യഹോവ ഈ സ്ഥലത്തെക്കുറിച്ചു ഈ അനർത്ഥം അരുളിച്ചെയ്തു.

നിരീക്ഷണം

ഈ വാക്കുകൾ യിരെമ്യാ പ്രവാചകനെ ഉദ്ദേശിച്ചുള്ളതാണ്. നെബൂഖദ് നേസറിന്റെ സൈന്യാധിപനായ നെബൂസർ-അദാൻ യിരമ്യാവിനെ തടവിൽ നിന്ന് മോചിപ്പിച്ചുകൊണ്ട് പറഞ്ഞു, നിനക്ക് ഇഷ്ടമുള്ളത് ചെയ്യൂ. പക്ഷേ, നിന്റെ ദൈവമായ യഹോവയാണ് ഞങ്ങളെ നിന്റെ ദേശം നശിപ്പിക്കുവാൻ അയച്ചതെന്ന് നീ അറിയണം എന്നു പറഞ്ഞു.

പ്രായോഗീകം

ചിലപ്പോൾ നമുക്കു ചുറ്റും നടക്കുന്ന എല്ലാം ചെയ്യിക്കുന്നത് പിശാചാണ് എന്ന് പറഞ്ഞ് എല്ലാത്തിനും അവനെ കുറ്റപ്പെടുത്തുവാൻ നാം ആഗ്രഹിക്കും, വാസ്ഥവത്തിൽ ഇവയെല്ലാം കർത്താവിങ്കലേയ്ക്ക് ചൂണ്ടികാണിക്കുന്നു. യഹൂദയുടെ പതനത്തെക്കുറിച്ച് യിരമ്യാ പ്രവാചകൻ പ്രവചിച്ചിരുന്നു, ഇപ്പോൾ അത് സംഭവിച്ചപ്പോൾ ശത്രുവിന്റെ സൈന്യാതിപൻ തന്നെ പറയുന്നു, ഞങ്ങളെ ഇത് ചെയ്യുവാൻ പ്രേരിപ്പിച്ചത് നിങ്ങളുടെ ദൈവമാണ്. ദൈവം തന്റെ ഉദ്ദേശങ്ങളെ സാക്ഷാത്കരിക്കുവാൻ നമ്മുടെ ചുറ്റിലും ഉള്ള എല്ലാ സാഹചര്യങ്ങളെയും ഉപയോഗിക്കുന്ന സമയം ഉണ്ട്. ദൈവം ഒരു ദിവസം ശത്രുവിനെ എങ്ങനെ നശിപ്പിക്കുമെന്ന നിർദ്ദേശം ദൈവത്താൽ യിരമ്യാവ് പ്രവചിച്ചിട്ടുണ്ട്. യിരിമ്യാവിന് അത് അറിയാമായിരുന്നതിനാൽ, തന്റെ സ്വാഭാവിക ശത്രുവിനോട് ഒരിക്കലും വാദിച്ചില്ല. നിങ്ങളുടെ ജീവിത്തിൽ എന്തെങ്കിലും സംഭവിക്കുന്നത് എന്തുകൊണ്ടെന്ന് നിങ്ങൾ മനസ്സിലാക്കുവാൻ ശ്രമിക്കുമ്പോൾ, നിങ്ങൾ കൂടുതൽ സമയം അതിനുവേണ്ടി ചിലവഴിക്കുവാൻ ശ്രമിക്കുമ്പോൾ എല്ലാ സൂചനകളും കർത്താവിങ്കലേയ്ക്ക് നയിക്കുന്നു എന്ന് നമുക്ക് കണ്ടെത്തുവാൻ കഴിയും.

പ്രാർത്ഥന

പ്രീയ യേശുവേ,

എന്റെ ജീവിത്തിൽ സംഭവിക്കുന്നതെല്ലാം അങ്ങ് അറിഞ്ഞുകൊണ്ടാണ്. ആകയാൽ എന്തെല്ലാം ജീവിതത്തിൽ സംഭവിച്ചാലും അങ്ങയിൽ മാത്രം ആശ്രയിച്ച് ഉറച്ചിരിക്കുവാൻ എനിക്ക് കൃപ നൽകുമാറാകേണമേ. ആമേൻ