“കാത്തിരിക്കുക”

വചനം

ഹബക്കൂക് 2 : 3

ദർശനത്തിന്നു ഒരു അവധിവെച്ചിരിക്കുന്നു; അതു സമാപ്തിയിലേക്കു ബദ്ധപ്പെടുന്നു; സമയം തെറ്റുകയുമില്ല; അതു വൈകിയാലും അതിന്നായി കാത്തിരിക്ക; അതു വരും നിശ്ചയം; താമസിക്കയുമില്ല.

നിരീക്ഷണം

പ്രവചിച്ച പ്രവാചകനെതന്നെ ആശയക്കുഴപ്പത്തിലാക്കിയ ഒരു പ്രവചനമാണിത്.  ഇതിൽ യേശുവിനെ അനുഗമിക്കാത്തവരുടെ അന്ത്യത്തെക്കുറിച്ചും ഭാവി ദുരന്തങ്ങളെക്കുറിച്ചും പറഞ്ഞത് തികച്ചും ശരിയായിരുന്നു കാരണം പറഞ്ഞകാര്യം അതുപൊലെ നടന്നു. അതുകൊണ്ട് ദൈവം നമ്മോട് പറഞ്ഞവാഗ്ദത്തങ്ങൾ നിറവേറുവാൻ നാം ചെയ്യേണ്ടത് കാത്തിരിക്കുക എന്നതു മാത്രമാണ്.

പ്രായോഗികം

ഈ ഭാഗം വായിച്ചിട്ട് നമുക്ക് നമ്മിലേയ്ക്ക് തന്ന ഒന്ന് തിരഞ്ഞ് നോക്കാം,  നമ്മുടെ സ്വപ്നങ്ങൾ, നമ്മുടെ ദർശനങ്ങൾ, നമ്മോടുള്ള ദൈവത്തിന്റെ വാഗ്ദത്തങ്ങൾ നമ്മുടെ ഹൃദയത്തിലെ നല്ല ആഗ്രഹങ്ങൾ എന്നിവയെക്കുറിച്ച് ഒന്ന് ചിന്തിക്കുക. സത്യത്തിൽ നാം ദൈവത്തെയാണ് നമ്മുടെ ജീവിത്തിൽ ഒന്നാമതായി കണ്ടിരിക്കുന്നതെങ്കിൽ നമ്മുടെ ഹൃദയത്തിലെ ആഗ്രഹങ്ങളെ ദൈവം നമുക്ക് നൽകും എന്ന് സങ്കീ. 37:4 ൽ കാണുന്നു. നിങ്ങൾക്ക് നിങ്ങളുടെ ദർശനം ദൈവത്തിന് തരുവാൻ ആഗ്രഹമില്ലെങ്കിൽ പിന്നെ ആ ദർശനം ദൈവം നൽകിയതെന്തിന്? നിങ്ങൾക്കുളളതെല്ലാം ആ ദർശനം ജീവിതത്തിൽ പ്രാപിക്കേണ്ടതിന് ചിലവഴിക്കണം. നീണ്ട മണിക്കുറുകൾ നിങ്ങൾ അതിനായി അദ്ധ്വാനിക്കണം, നീണ്ടതന്ത്രങ്ങൾ അതിനായികണ്ടെത്തണം, ത്യാഗങ്ങൾ സഹിക്കണം, അതിനായി നല്ല ഇച്ഛാശക്തി ഉണ്ടായിരിക്കണം. നിങ്ങൾച്ചെയ്യേണ്ടത് എല്ലാം നിങ്ങൾ ചെയ്താൽ നിങ്ങളെകൊണ്ട് കഴിയാത്തഭാരം ദൈവം നിങ്ങൾക്കായി വഹിക്കുകയും നിങ്ങൾക്കായുള്ള വാഗ്ദത്തം നിവർത്തീകരിക്കുകയും ചെയ്യും.. എന്നാൽ ദൈവം അത് നമുക്ക് തരുന്നതുവരെ നാം കാത്തിരിക്കണം.

പ്രാർത്ഥന

പ്രീയ യേശുവേ,

എന്റെ ജീവിതത്തിലെ വാഗ്ദത്തങ്ങൾ പ്രാപിച്ചെടുക്കുവാൻ എനിക്ക് കൃപ നൽകുമാറാകേണമെ. ആമേൻ